நான் முதலமைச்சரானால்

முன்னுரை:

            நான் முதலமைச்சரானால் என்ன பணிகளைச் செய்வேன் என்பதையும், என்னென்ன திட்டங்களை நிறைவேற்றுவேன் என்பதையும் கூற விரும்புகிறேன்.

மாணவர்களுக்குப் பயன்தரும் திட்டங்கள்:

            மாணவர்கள் சிரமமின்றி பள்ளிக்குச் சென்றுவர சிறப்புப் பேருந்துகளை இயக்க உத்தரவிடுவேன். ஏழை மாணவர்களும் உயர் கல்வி பெற உதவித்தொகை வழங்குவேன். பெண் கல்விக்கு ஊக்கமளிப்பேன்.

உழவர் நலம்:

            ஏரி, ஆறு, வாய்க்கால் போன்ற நீர்ப்பிடிப்புப் பகுதிகளை ஆழப்படுத்துவேன். உழவர்கள் தங்கள் விளைபொருளுக்கு நல்ல விலைபெற வழிவகுப்பேன். வேளான் ஆய்வுக்கூடங்கள் அமைப்பேன்.

மின் உற்பத்தியைப் பெருக்குவேன்:

            மின் பற்றாக்குறையைப் போக்க புதிய மின் உற்பத்தி நிலையங்கள் துவங்க உத்தரவிடுவேன். தொழிற்சாலைகளை ஏற்படுத்தி அனைவருக்கும் வேலைவாய்ப்பளிக்க விரைந்து செயல்படுவேன்.

முடிவுரை:

            உணவு, உடை, உறைவிடம் ஆகியவற்றை அனைத்து மக்களும் பெற்று இன்புற்று வாழ வழிவகை காண்பேன். கல்வி வளர்ச்சிக்குத் தேவையான திட்டங்களை வகுத்துச் செயல்படுத்துவேன். அனைவரும் எனக்கு ஆதரவு தர அன்புடன் வேண்டுகிறேன்.

காகிதம் தன் வரலாறு கூறுதல்

முன்னுரை:

                        வணக்கம் மாணவர்களே! என் பெயர் காகிதம். என்னைத் தூய தமிழில் ‘தாள்’ என்று கூறுவர். நான், என்னுடைய வரலாற்றை உங்களுக்குத் தெறிவிக்கிறேன்.

தோற்றமும் வளர்ச்சியும்:

                        ஐயாயிரம் ஆண்டுகளுக்கு முன்னரே எகிப்தியர்கள் ‘பேப்ரஸ்’ என்னும் மரப்பட்டையைப் பயன்படுத்தி எனக்கு முதல்முதலாக வடிவம் கொடுத்தார்கள். கி.மு. 105-ஆம் ஆண்டிலேயே சீன நாட்டைச் சேர்ந்த ‘டுசாய்லுன்’ என்பவர் மரப்பட்டையைக் கொண்டு என்னை உருவாக்கினார்.

                        1850-ஆம் ஆண்டு ஜெர்மனியைச் சார்ந்த ‘காட்லாப் செல்லர்’ என்பவர் மரக்கூழிலிருந்து என்னைப் புதிய வடிவில் தயாரித்தார். தற்பொழுது வேதியல் முறையில் பல வண்ணங்கள் கொண்டர  தாள்கள் தயாரிக்கிறார்கள். பருத்தியிலை,  கருப்பஞ்சக்கை ஆகியவற்றைப் பயன்படுத்தியும் என்னைத் தயாரிக்கிறார்கள்.

பயன்கள்:

                        அலுவலகங்கள், பள்ளிக்கூடங்கள், மருத்துவ மனைகள் என எல்லா இடத்திலும் நான் பயன்படுகிறேன். செய்திகளை மக்களுக்கு தெரிவிக்கிறேன். என்மேல் எழுதப்படும் எழுத்து மூலமாய் பத்திரங்கள், அரசாணைகள், உருபாய் நோட்டுகள் ஆகியவை மதிப்பு மிக்கவையாக ஆகின்றன.

முடிவுரை:

                        நான் பலவகையிலும் பிறருக்குப் பயன்படுகிறேன். அதுபோல், என் வரலாற்றைப் படிக்கிற நீங்களும் மக்களுக்குப் பயன்பட வேண்டும்.